Le Pain Quotidien (已結業)

由好耐之前开始每次行经呢间餐厅都会好想入去试下, 今日终于有机会试下啦。一入到去就好似去左另一个空间, 好似去紧旅行咁, 可以系到慢慢享受午餐。经过侍应介绍后先知原来Set lunch只系得一种, 叫做Baker's Lunch, 日日都唔同, 当日由厨师决定, 但大致上都系会包一碗餐汤、前菜沙律、三文治同埋一杯饮品。成间餐厅都充满欧陆既感觉石屎森林中的后花园Baker's Lunch $138+10%是日餐汤系忌廉蘑菇汤, 真系好好味, 仲可以见到啲蘑菇粒碎。我叫左热朱古力, 估唔到系将热鲜奶同朱古力浆分开上, 大家可以按照自己既喜好黎调节甜度。朱古力浆味道唔浓, 我慢慢倒再试味, 结果我倒晒d朱古力浆落去都只系得淡淡既朱古力味。