影片
更多
2020-11-13
85 浏览
香港地方唔大，铺租又贵，所以有唔少餐厅铺头都唔系开喺大街大巷。所以，间中就会听到有人发掘到d隐世餐厅、隐世小店。而今晚去呢间餐厅，虽然其实系喺尖沙咀佐敦闹市区入面，但就真系有去揾隐世餐厅既感觉。由山林道弥敦道果头开始行，行到尽头，见到酒店转入右边既细巷，行几步见到楼梯，上左楼梯就系餐厅。佢个环境系好似俾石屎森林包围住既一间餐厅，但完全冇后巷果种污糟同嘈既感觉，反而系静静地几舒服。所以都有唔少人坐左喺户外既位，再开枝酒，叹生蚝。我地大约八点左右黎到，d位都坐得七七八八。望一望menu，menu封面就写住佢地系wine and oyster既expert。可惜，我唔多饮得，同埋我地唔太好生蚝，所以两样都冇叫。虽然冇饮酒，但我地叫左几样下酒菜，两杯野饮同一个海鲜set做main dish。最先黎既系一口和牛粒。哗，都几大碟，我地两个人慢慢拮，真系食到够都得。和牛粒煎得够，虽然未到表面香脆，但都几香口，而且确实系好软林。碟侧边有盐同黑椒，沾一沾，拮下一粒，拮下又一粒，唔错。跟住黎既系白酒煮蚬。份量都唔细，d蚬都叠到高高地咁。白酒唔系好浓，加cream煮果只，清清地唔会抢左蚬既味。蚬就算系细只d
佢个环境系好似俾石屎森林包围住既一间餐厅，但完全冇后巷果种污糟同嘈既感觉，反而系静静地几舒服。所以都有唔少人坐左喺户外既位，再开枝酒，叹生蚝。
我地大约八点左右黎到，d位都坐得七七八八。望一望menu，menu封面就写住佢地系wine and oyster既expert。可惜，我唔多饮得，同埋我地唔太好生蚝，所以两样都冇叫。虽然冇饮酒，但我地叫左几样下酒菜，两杯野饮同一个海鲜set做main dish。
最先黎既系一口和牛粒。哗，都几大碟，我地两个人慢慢拮，真系食到够都得。和牛粒煎得够，虽然未到表面香脆，但都几香口，而且确实系好软林。碟侧边有盐同黑椒，沾一沾，拮下一粒，拮下又一粒，唔错。
跟住黎既系白酒煮蚬。份量都唔细，d蚬都叠到高高地咁。白酒唔系好浓，加cream煮果只，清清地唔会抢左蚬既味。蚬就算系细只d既果种，不过最紧要量够同埋都冇咩沙。
再黎系炸鸡软骨。哗，仲大份过和牛粒，我地一见到就谂：连主菜都未黎，会唔会食唔哂。鸡软骨比平时小食店果d大粒，佢呢度一粒有两至三粒平时食果d既size。炸得够香脆，又脆又爽。热辣辣岩岩炸起既鸡软骨，当然要沾沙律酱，咸香又香口脆口，大碟但一阵就清哂。
最后黎系主菜，烤焗海鲜拼盘。睇相就见到啦，除左丰富，都系丰富。大大碟装住各种各样既海鲜同埋一只大啡菇，一系蒜蓉焗、一系芝士焗，食左唔少小食，但一睇到个拼盘已经食指大动。
蒜蓉焗翡翠螺，蒜蓉既香加上翡翠螺既又烟韧又脆口既螺肉，食完肉都要饮埋壳入面既汁先放低。芝士焗扇贝，芝士铺满成只扇贝，而且焗到熔哂仲有少少焦脆。了起扇贝肉同芝士，一啖放入口，正。大啡菇大大只，面头又系放满左芝士，焗到熔哂又拉丝既芝士，加上又多汁又香既大啡菇肉，简直系perfect match。跟住系主角，芝士同蒜蓉焗龙虾各一边。龙虾系酒店自助餐既果d冻龙虾既size，仲有大大只虾钳。慢慢用叉刮起入面既虾肉同膏，再连埋面头既馅，一啖放入口，啖啖肉好满足。慢慢剥埋只虾钳之后，最后再食埋两只蒜蓉开边虾，饱哂。
今次叫左唔少小食同个拼盘，但见台台都系开酒加生蚝，下次再黎一于叫呢个配搭再加一个意粉试试佢先。
张贴
