All About Nuts (裝修中)

呢间小店小编一直好想嚟，因为佢嘅坚果酱全部自家制，无添加即叫即磨。嚟到嘅时候都有唔少嘅人过嚟买，特别系开心果酱，非常之受欢迎。（不过留意坚果酱每日只限两款，视乎货源供应。）西多士亦都系即叫即整，需要等若干时间。佢嘅卖相非常之靓，店主已经将西多切成细细旧方便一啖过。每旧西多中间夹住佢哋嘅开心果酱，再沾上蛋浆拎去煎，最后林上焦糖炼奶酱同撒上开心果碎，非常邪恶。味道整体来讲会比较甜，入口主要系焦糖炼奶味，而焦糖味道唔算非常之出。之后会有一阵幽幽开心果嘅坚果香，唔会非常之抢，证明真材实料，唔系化学调味。（如果怕太甜可以试坚果酱三文治）质感上面包比较淋，亦都系我唯一唔太钟意嘅地方。可以见到佢每嚿面包由外到内都系沾满蛋浆，成嚿都呈金黄色。咁做令到面包过淋，之前食过兴记佢系用新鲜面包切出嚟，再沾上一层薄薄嘅蛋浆，咁就可以食到蛋香同面包嘅弹性。另外，佢用煎嘅方式亦都唔会好似一般西多咁外脆内软，但我觉得都可以接受。欣赏佢加咁开心果碎，多啲咬口。后记：小编第一次嚟到石硖尾呢个地方，因为历史缘故，呢度有好多嘅旧长型公营房屋，而且中间会有行人天桥接驳，远处仲见到狮子山。我一直都觉得呢个地方只系普通嘅旧区，今次