黃記煌三汁燜鍋 (已結業)

之前黎食星林居见到都想试下呢间焖锅好似好吸引今日终于黎试下佢叫左个二人餐石斑鱼柳痳辣焖锅 - 小辣 $198呢个锅系加入左秘制麻辣酱汁炆既，唔食得辣既朋友留意，小辣都已经几辣下。唔知系我痳辣锅定系鱼柳既关系，我地个锅系厨房整好晒先上台。因为本身见其他人会有职员系旁边拎住个酱汁系咁搅系咁搅，之后先再落锅煮。 锅入面除左有大量鱼柳之外，仲有红萝卜，薯仔，茹等等。鱼柳好滑肉身好厚实，唔好一夹到散晒，好入味。除左焖锅之外，仲叫左其他配菜打边炉。牛柳粒份量都唔少，不过觉得一般，可能牛柳粒唔夹打边炉，打边炉都系肥牛片会好Ｄ。　白萝卜放落锅慢慢焖，焖到淋晒入晒味好正。豆腐鱼皮饺配云吞云吞细细粒一口过，食到有成只虾系入面。鱼皮饺都好食。呢度仲许留山合作，甜品，饮品都可以系呢到叫到许留山，唔该，黎一杯芒椰奶西。😍😍仲有我最爱多芒小丸子。