御石燒 (已結業)

朋友book咗呢间石板烧肉。位置方便，就喺广华街最多食肆𠮶度。夜晚7点左右嚟到，好彩唔洗等位，但都差唔多满座。我点咗御烧特级牛小排 配沙律特级牛小排望落雪花纹路几靓、脂肪平均。一份大概有20片，自己逐片放上热石上面烧。讲下味道先。啱啱烧起嘅牛肉焦香，食落有肉汁，牛味浓郁。牛肉无筋唔韧，一口一片啱啱好。沙律醋好fresh配烧牛肉，可减低油腻感。朋友就点咗御烧极上级黑松露吉列牛 配白饭吉列牛就每片切片较厚身，啱啲钟意食大啖肉嘅朋友。虽然佢系厚切，但食落口感竟然都系唔韧，好易就咬开。推介大家点吉列牛。口感方面好特别，中间系肉汁饱满嘅牛肉，加上松化嘅吉列脆皮。呢款黑松露味来自个吉列皮，松露味都好浓烈。另外套餐加咗面豉汤同糖心蛋。糖心蛋水准发挥正常，蛋黄橙黄色半流心👍🏼够入味店员换gas速度快，又会提我地小心石头热唔好辣亲。总括嚟讲，食物质素唔错，可以再返嚟encore吉列烧牛。