牛極 (庇利金街) (已結業)

石烧牛扒系香港开咗好一段日子， 都未有机会试下。 今日要嚟佐敦买嘢， 途中见到 牛极 石烧牛扒专门店， 一于入去试下。门外 poster 介绍了 ， 有几款唔同嘅牛 ，美国西冷、牛肋骨排、牛肩肉眼、新西兰牛柳及日本和牛。店铺系全自助形式，先买票再入座，费用包括任食沙律、白饭及餐汤。我拣咗款几抵食嘅牛柳， 200克110蚊。厨师只会将牛肉烤至一成熟，然后就会放到已经预热的火山石给客人，想吃几熟，自己话事😚😚😚 牛肉质地都算唔错， 店员好殷勤， 提醒我唔好煎得太熟。另外佢哋提供咗唔同嘅酱汁，畀客人点牛扒， 韩式辣酱 好好味， 香香辣辣。 日式烧汁， 可以提升牛肉整体嘅味道。