福岡漢堡扒

营业中

休息中

一直以为餐厅系黎自福冈，原来系韩国过江龙。餐厅最出名系石烧和牛，我地order左个2人餐试两种口味。呢间比之前嘅分店坐得舒服👫🏻二人套餐 $366🍍菠萝烟肉和牛汉堡扒和牛汉堡扒有分大中小size,自己可以用小铲子将小量汉堡扒放系石上，由于石板好热，不断两边反会冇咁易㶶。石板够热嘅时候烧出黎焦香嘅牛肉超香口和牛juicy油脂满满，自己烧可以好好控制自己喜欢嘅熟度。菠萝同烟肉都可以系石板上烧，菠萝鲜甜解腻一流🧀芝士蛋蒜和牛汉堡扒芝士轻轻一烧至半溶，香脆嘅蒜片夹埋和牛汉堡超惹味。底层煎蛋比较油。热石系可以更换 热石够热会烧得好食d 所以唔好怕丑叫staff换热石🍲韩式汤乌冬由于汉堡扒比较油腻，汤乌冬系非常好嘅配搭，鲣鱼汤底清甜，有淡淡酱油味。乌冬爽口弹牙。日式牛肉份量不少，食落唔干柴🥤罐装饮品套餐包两罐罐装饮品，餐厅仲有好多款特饮可以加购。