福岡漢堡扒 (厚福街) (已結業)

好耐冇同朋友仔食晚饭啦，今晚约咗朋友去尖沙咀行街食饭。我地行完街之后经过福冈汉堡扒，见到佢系石烧和牛汉堡扒，好特别😍所以我哋比佢吸引咗入去😆因为好肚饿嘅关系，所以我哋决定咗个2人餐。包括咗前菜：面豉汤、胡麻酱沙律，泡菜，2份和牛汉堡扒，一个丼，仲有2杯罐装饮品佢地嘅和牛汉堡扒系一个波咁，放咗喺一个预热嘅铁板上面，放满咗蛋汁同芝士，好吸引😍之后有个石头响旁边比你自己烧和牛汉堡，无错！系自己烧🤣将和牛汉堡切少少放喺石头上面，每3秒就翻另一面，都几好玩🤣。而店员好细心会时不时帮你换石头烧。我哋叫咗菠萝烟肉和牛汉堡扒，芝士蛋蒜和牛汉堡扒。菠萝酸酸甜甜加埋和牛一齐食就冇咁腻，而同蒜片食就好香口又系另一番滋味。佢哋嘅和牛好香牛肉味又油脂丰富😍因为系套餐，所以汉堡扒系m size ，而份量都几多。另外，我将送嘅罐头饮品加钱转百香果特饮，酸酸甜甜但系唔会太甜，唔会觉得加左好多糖水，都几fresh👍🏻芝士泡菜豚肉饭好大碗😳佢用咗珍珠米，上面铺满咗泡菜豚肉同溶咗嘅芝士，好吸引😍泡菜豚肉真系好好味，呢个combination 真系冇得输，超下饭😋