Olive Cafe (新領域廣場) (已結業)

无论lunch或者dinner黎食，食物价钱经济实惠，仲有任食沙律、餐汤，难得可以食到热辣辣自己再烧下既扒。晚市book左枱大约6点左右到，已经好多人食紧，所以记住book位。叫左澳洲M5黑毛和牛板腱150g($195)，美国极黑毛猪200g($110)。牛板腱肉味浓，自己钟意烧到几熟都得。用洋葱、蕃茄仔做点缀，不过个板好大，就显得块肉好细。调味吧有各种调味料，当日见到其他食客出去拎，先知有调味吧。如果唔周围留意，唔会特别关于。黑毛猪比牛板腱更为突出，较好食。黑毛猪肉嫩口之外，烧完有少少脆脆地既感觉，而且价钱唔贵，份量相对多d添。而且件扒好厚身，就算冇跟肉既纹理切，口感都唔会韧。任食既餐汤质素唔差，非常多汤料，仲有薯仔、红萝卜等，煲得好够味，后劲少少少少辣。而沙律就不过不失。整体，如果侍应轻轻讲一讲个沙律、餐汤、调味吧既位置，会更加好。而尼3个位置有少少逼，排队拎沙律及餐汤既人，就挡住想拎调味料既人。但食物价钱及质素好。