52C Medium Rare (已結業)

丫姨约我放工去佐敦陪佢去食dinner。四周逛就发现咗呢间门面比较光鲜洁白企理嘅餐厅, 原来系食石烧牛, 啱哂天气冻试下, 顺便暖下身。餐厅分上下两层, 地方洁净企理, 门口位置设自助售卖机, 全日无加一服务费。主打石烧牛选自400日美国壳饲牛. 供应数款不同部位选择, 另有少量豚肉、鸡肉, 而每款肉分别有180g、250g同埋320g, 满足胃口大嘅食客。我地点咗两款唔同部位嘅石烧牛set各180g, 套餐包括了餐汤、沙律、白饭。餐汤为罗宋汤, 味道浓郁又足料。石烧板滋滋声热辣辣上台, 180g有掌心般size大, 只有牛表面熟, 内里依然keep成嫩红全生, 可以影阵相打卡都唔怕牛会太快熟透。 【牛肩肉套餐180g 】HK$118 牛肩肉位于牛嘅胛部, 前腿上部, 含优质蛋白, 脂肪含量低, 口感软嫩适中, 中间位肩位相连一条筋有d咬口, 配埋香草牛油增加香浓味道。 【封门柳套餐 180g】HK$158封门柳极少脂肪, 纤维幼细, 切开可以见到纹理清晰, 肉质较腍, 咀嚼后唔会有渣, 肉味浓。套餐不包括饮品, 需要额外order。