52C Medium Rare (已結業)

朋友果然冇介绍错，好耐之前朋友提过呢间食石烧牛一流，今次终于黎食下佢哋既套餐，餐汤配有罗宋汤，有蕃茄洋葱等杂菜，酸酸甜甜几开胃，饮品我就拣左巨峰玉露因为好耐冇饮，有一粒粒好好咬，中意清淡啲既话可以拣柠檬薏米水，健康之选，主角我点左牛板键，因为自己好中意食筋同瘦肉都有啲既质感，所以呢样就啱晒我啦，牛板键肉质偏厚实，牛肉中间带一条筋，带点弹牙口感，食烧肉当然要配埋特制烧肉汁，呢款烧肉汁相对上较清淡，唔系一味得个咸字，沾埋一齐食依然食到主角个种浓郁既牛肉味，真系钟意行啲嘅朋友仔都可以加海盐同黑椒，生熟度自己烧，推荐七成熟，朋友则嗌左牛肩，呢个部位相对上较多油脂，所以口感嫩滑软身，易啲入口，一啖牛肉，加啲烧肉汁淋落白饭到，mix埋一齐真系超好食，餐厅选用既白饭仲要系珍珠米，非常有嚼劲😋😋