菜菜鍋(犇.石燒) (T.O.P This is Our Place) (已結業)

第三次去犇.石烧き。套餐形式系拣一份肉类(牛、猪、鸡、海鲜)，再配自助吧放题。之前试过两款牛肉，无论平D定贵D款，都有一定质素，今次想试佢既厚切豚肉。🥩丹麦厚切豚肉 $128石烧豚肉够哂热，上枱时炸炸声，肉汁会弹起，要小心D。店舖有提供一次性围裙，怕整污糟衫既可以拎嚟着。豚肉份量都几大份，我钟意烧耐D，烧到肉既油脂出哂嚟，更香口。⭐️自助吧放题有沙律🥗、白饭🍚、薯角🍟、面豉汤🥣、饮品☕️和雪糕🍦。另外有四款酱汁配肉食，沙律亦有几款沙律酱选择，饮品有汽水和不同咖啡、茶等，雪糕系云呢拿味软雪糕。整体味道都不错，以主食价钱再有个半自助餐形式，性价比算几高了。