糖室 (已結業)

食完品香楼，想要系石硖尾揾间静静地嘅餐厅，再续下场，真系几难下。好彩有当地朋友话我知，有间新开嘅甜品铺，质素唔错，咁就一于试下。餐厅离品香楼极近，位置都颇为隐蔽，系一堆大排挡形式餐厅嘅中间，唔识路嘅可能需要揾一阵。餐厅装修行自然民宿风，以木头做主调，好岩情侣朋友黎食。甜品选择多而特别，好多都好吸引，定价唔算贵。芒果冰芋圆黑白凉粉，睇得出餐厅系摆盘上都落足心思，配合餐厅装潢，以木碗同木匙做器皿，加分！味道系出乎预料地好，芒果冰打得好细，而且味道浓郁，食得出唔系加左好多水。黑凉粉原来系用左黑糖整，而白凉粉就加左椰汁，好少系出面食到。唯一美中不足嘅系，芋圆或者因为太冻嘅关系，略嫌咬感太硬。清甜蜂蜜鲜果冰，冰量装得好满，本身冰入面都加左奶，就咁食已经好正，即刻消热。食左几啖之后，可以加餐厅provide嘅蜂蜜，但因为啲冰太冻嘅关系，蜂蜜系会结块，而唔系融入啲冰到，不过口感因为咁都几得意。水果新鲜唔特别。