一茗堂 (南山商場) (已結業)

商场地舖餐厅算大，还有一个房间(见有人订咗，在内用膳)餐汤系红汤，有红萝卜椰菜香叶，饮落都够味。BBQ酱黑豚扒伴原条新鲜菠萝配薯角放上新鲜菠萝，酸甜嘅味道令食豚肉都冇咁腻，黑豚扒肉质松软，薯角炸得香口，有几款蔬菜，原条芦笋、红萝卜仔、粟米粒、西兰花，丰富又健康。BBQ酱烧原条猪仔骨配薯角原条猪仔骨切一件食一件，入口肉质好够味，BBQ酱汁够野味唔会太咸，沙律菜爽口而且减低腻口嘅感觉。柠檬蛋白挞视觉上好吸引，表面轻微焦烤，金黄色嘅柠檬馅，口感松脆带微甜，有清新嘅柠檬香。(半价转特饮)野莓派对 Berry Party味带香橙同士多啤梨，唔算太甜，饮落有蜜糖蒟蒻，几有咬口。