豐味蒸食

营业中

休息中

今日同朋友想食蒸野，经过见到呢间食店，即制石磨肠粉好吸引，而且新开不久，虽然地方唔算大，座位较少，但环境光猛干净。招牌猪脾肠粉 $25即叫即制好新鲜热辣，石磨肠粉透薄好滑溜，酱汁调味岩岩好，咸鲜有蒜香，微咸带少少辣，猪脾肉质松化，连带猪皮都好有胶质好弹滑。猪润肠粉加蛋 $25猪润肠粉较少见，熟度刚好，猪润用料十足，鲜嫩无渣带点爽，口感一流，肠粉加蛋更滑更多份蛋香味。豉椒排骨蒸饭 $30排骨份量多，非常入味且肉质嫩腍，蒸饭最正，蒸得饭粒爽口好咬，又保留饭香，配肉同加左酱油真系食唔停口，蒸饭仲送是日例汤，清甜滋润好味。猪肉鲜虾蒸饺 $20馅料够多，虾肉一整只大大粒，仲好爽弹，饺皮颇薄有弹性，透出内馅好吸引。韭菜猪肉蒸饺 $18韭菜非常香，肉同菜比较适中，咬落仲好多肉汁。豆浆 $10有得拣冻/热，同埋无糖/甜，岩岩渣起唔会好冻，豆味都突出，豆浆好香滑。总括，价钱超值，食物份量足，味道亦好，即叫即做够新鲜热辣，环境干净，感觉很有人情味。