心之食堂 (裝修中)

系铜锣湾收工，同事话想食下日本野，谂起之前好似黎食过觉得几好食所以就再黎食。我地叫左鳗鱼石窝饭，牛柳粒石窝饭，芝士炸鸡，火灸牛柳串，三文鱼同八爪鱼刺身，呢度加埋咁多野都唔洗500$ 非常抵食。首先黎既三文鱼刺身好有惊喜，超级厚切又好新鲜，而八爪鱼就摆得好精美，几鲜甜下。而二个石窝饭系必叫之选，因为真系好好食。石窝饭粒粒分明，食到最后啲饭焦入晒味仲劲有口感。我个人觉得鳗鱼石窝饭更好食一点，因为鳗鱼味渗晒落窝饭度，劲香口，愈食愈开胃。之后到火灸牛柳串，黎到先将d牛柳著火，影唔切佢最壮观既一面。味道方面出奇地无咩特别，可能我期望太高，反而石窝饭既牛柳粒更出色。最后黎既系芝士炸鸡，啲芝士热熔左真系超正，炸鸡啲肉都几嫩，皮都几脆。最后悔系无衬d芝士变成一旧旧之前同d炸鸡捞埋一齐，不过d芝士就咁食都好香好"芝"味。地方唔算大，但都容纳到廿几三十人，有d单车摆设几有特色，有差电服务好细心。