鳴門魚湯麵亭 (已結業)

连续食左两次，好味翻叮。推介石锅猪软骨乌冬（蕃茄汤底），热腾腾，食紧都不断有热泡泡滚紧。猪软骨好肉地，软骨好淋易入口，份量足。蕃茄汤底浓，比较杰身，蕃茄迷一定好钟意。仲叫左鸡肉杂菌𩽾𩾌鱼汤，我又唔觉得个鱼汤特别鲜味，好似普通鱼汤（可能我唔太识食鱼啦）不过系招牌，所以仲贵过石锅。另外要推介既系凡立贝黄金烧，好好味！放在贝壳上面，好特别既芝士底，配上小量菇菇。凡立贝虽然唔系珍宝，只系细细粒，但都好鲜味，卖相好靓！仲有烧秋刀鱼，好香好鲜甜，又大条，正！仲试过蟹子沙律、南瓜蕃薯天妇罗，两样都麻麻地。店舖比较迫，有时要等位。但最赞既系即叫即整，我地通常要等二十分钟先有得食呀。下次一定再来！