石鍋堂

营业中

休息中

热辣辣石锅热得滚住上台, 数款不同汤底供自选, 令人印象深刻, 趁放假同朋友再重临「石锅堂」。 餐厅面积不大, 座位不算阔落, 简单来个速食亦可接受。除了多款不同主食配料嘅石锅乌冬, 另有石锅饭、冷乌冬、蛋包饭, 小食等等...【安格斯牛肉石烧手打乌冬】HK$84 自选和风咖哩汤底, 热辣辣石锅令汤底滚住上台, 散发阵阵咖哩香, 面层布上了多片嫩红安格斯牛肉, 汤底将牛肉焯熟至自己中意嘅生熟度, 牛肉口感嫩滑, 手打乌冬烟韧弹牙, 配上甜甜嘅咖哩汤底, 好食得连汤底都饮埋, 大爱!!另外更追加了配料:+10 粟米粒, 加入汤底, 丰富了口感层次+$12 低温慢煮流心蛋, 超滑, 流出丰富蛋汁【照烧鸡扒蛋包饭】HK$75蛋皮完全包裹了米饭, 鸡扒嫩滑, 表面扫上了咸甜嘅照烧汁, 美味又饱肚。