點饌 (已結業)

今日去朋友公司揾佢，谂住同佢倾下嚟紧嘅细节， 咁啱又系食饭时间，朋友就话揾个地方坐低慢慢倾。朋友就话食点心，我就介绍话上次踏单车食过有间唔错，佢就话另一间试过未，我点知有另一间姐，一于去试一试。装修个格局，中式得嚟带点新颖。只鸡好可爱。点了金鱼饺， 新派点心，外形上面已经好有趣，食落味道都唔错，算系正常嘅，味道有啲似以前嘅怀旧鱼翅饺。大王流沙包， 外型好搞笑，好似戴住副黑超咁， 个包皮做得唔错，完全唔笠口， 新派得嚟不失中国传统， 流心奶黄超级流心，一开就完全流心， 争啲整到成手都系。一口鲍鱼酥， 外型真系有啲似鲍鱼 ，不过呢只嘢唔好睇小佢 ，真系好劲， 冇返咁上下quota都唔好挑战。凤梨小金鸡， 可爱小鸡鸡， 其实即系凤梨酥，新鲜嘅凤梨酥味道不错。上次食过 传统嘢， 今次再试新派， 都有另一种风味，两者都唔错， 下次再食过。