豐鍋雞煲 (京瑞廣場1期)

营业中

休息中

我哋今次嗌咗滋润椰子鸡煲，两个人食嗌咗半只鸡。汤底一上枱嘅时候侍应会倒成个椰青水落去，就将成个椰青水倒入汤锅，清香嘅椰子味即刻涌上来。椰而且椰青仲会留低俾你，可以挖埋啲椰青肉放入汤中，增添椰香味。呢个细节真系非常贴心，汤底清甜滋润，饮落去好舒服。鸡系用新鲜鸡，半只嘅分量对两个女仔嚟讲啱啱好。啲鸡肉鲜嫩滑溜，最难得系到最后都保持滑嫩，唔会变干变柴。而且鸡肉份量十足，唔会只系得骨！另外，仲嗌咗桶蚝、虾滑同羊肉片。桶蚝只只都好大只鲜美，烫熟之后依然饱满多汁，唔会缩水得好夸张，绝对系推介嘅配料之一。虾滑口感都弹牙，味道正常无话太特别。羊肉片切得薄薄地，烫熟之后无好强膻味，钟意食羊人士不妨一试～呢餐鸡煲令人非常满足，汤底清甜、鸡肉滑嫩、配料丰富，两个女仔食到啱啱好又唔会浪费。如果钟意椰子汤底嘅朋友，呢个系一个唔错嘅选择！下次会再试其他汤底同配料！