更多
2024-06-03
125 浏览
食过搞饺镇都好几次,今次就写下,印象佢嘅饺子大大只,好味足料选择多!饺子制作好有诚意,佢哋有唔少创新味道嘅饺子,分为三个系列(经典、风味、养生)。据知汤底会每隔一段时间转一转款,我之前试过佢哋嘅鸡汤、鱼汤,最近就转咗做萝卜粟米猪骨汤底。今次同朋友试咗养生三拼,可以拣汤饺或者煎饺,我哋拣咗汤饺,「三拼」可以一次过食三款唔同嘅饺,养生三拼包括:紫菜粟米猪肉饺、帆立贝莴荀鲜虾饺、准山野菌鸡肉饺,三款都好大只好鲜味!个人特别钟意准山野菌款,准山味鲜甜。另外叫咗煎饺:帆立贝莴荀鲜虾饺,热辣辣,里面有原粒帆立贝,好正!仲嗌咗风味小食,麻辣皮蛋,同黑、白豆浆各一支,大满足!
张贴