一喜‧拉麺

营业中

休息中

无嚟石门一排，又好似热闹咗好多 ，多咗好多餐厅，见到呢间选择都几多，就入咗去试。呢间拉面店比起其他拉面店相当阔落，拉面嘅选择都好多。 店员都同我哋推介佢哋新出嘅蟹皇汤拉面，系佢哋店长自己研发，见到配料除咗图入面嘅猪软骨之外，感觉上呢个汤底配鸡应该会夹好多，所以我哋就拣咗鸡叉烧。蟹皇汤拉面上碟之后吸睛嘅除咗系蟹钳之外，见到鸡叉烧都有火炙嘅痕迹，放汤底虽然好清澈，但靠近一闻有浓浓嘅海鲜味一嚟就梗系饮个汤底先啦，一啖落肚已经饮到满满嘅鲜味，食落去已经非常开胃，鸡叉烧有微微烧过，感觉一般慢煮嘅增添了风味。好味指数：🌕🌕🌕🌗🌑第二个拉面我哋拣嘅系猪软骨拉面。我哋就选择咗酱油加猪骨汤因为担心净系酱油嘅话味道会太过单一，果然浓浓嘅猪骨加上啖啖酱油香味道好有层次，唔会一味死咸。拉面都好挂汤，猪软骨味道非常入味，略略有咬口，唔会软淋淋，适合我呢啲钟意爽脆口感嘅人士。好味指数：🌕🌕🌕🌕🌑