麵道 (已結業)

石门宜家已经从工业区慢慢变成一个好有活力既新区。附近又有好多酒店落成，区内亦多左好多居民。变相唔少得周边嘅配套亦会更加完善。从石门地铁站一出就见到面道！其实一直想试好耐，但系次次去亲石门都已经谂好咗食咩，所以之前一直未有机会试。🥹面道舖头面积唔大，坐到尽都系20个人左右。门口有写住每日限量拉面供应，当日我哋点几两点去到问店员仲有冇，店员就话仲有，所以入咗去试。😁味玉伊势海老豚骨拉面（$93)，另外加多$25可以跟餐。非常建议大家跟餐叫，包一个小食同埋嘢饮，价钱十分相宜。😎呢款拉面属于比较浓味嘅拉面，个汤真系冇得顶。👻你直头feel到佢连虾壳一齐落去淆汤，饮得出好浓嘅虾味，唯一嘅问题系食到后期，会开始觉得咸得滞，有少少苦苦地。酱油豚骨汤拉面（$77)，听讲系呢度嘅招牌菜，个汤饮落唔算好浓，整体味道属于中上水平。一开头同上面虾汤拉面比较，确实系会逊色咗少少，但胜在食到最尾都好舒服，相对容易入口，感觉亦都冇咁邪恶。😂😂两个简单小食味道中规中矩，但系以$25嘅价钱来讲冇得挑剔，仲包埋嘢饮。👍👍两个人食到捧住个肚离开埋单$220 ，以呢个水准嘅拉面来讲绝对收货。