盔匠

营业中

休息中

作为石门嘅常客，有新野开梗系第一时间去试啦~🔹锅盔🔹 即叫即整~见到师父拎个面团即喺面前搓，再放入个瓦锅到，热烘烘嘅感觉好开心~师父话有成300度，但见佢徒手就放个锅盔落去烤，好劲呀！我问佢真系读头盔个盔，佢话系，或者叫佢锅夫都得㖞~烤完佢会放凉一下先入袋，但都仲系好热辣辣，咬落去好香脆，感觉系类似pizza边嘅油香，但又胡椒饼嘅芝麻香酥味~拣左牛肉同咖哩鸡口味~好香牛肉味同浓咖哩味，各有各好食！🔹开心牛油果乳酪奶昔🔹饮得出嘅足料！饮到微粒开心果，见到粒粒牛油果喺面，饮落去三种味道都好突出，第三种味道就系乳酪味，酸酸甜甜，同好重果香，味道好有新鲜感！🔹芒果乳酪奶昔🔹又系睇得出嘅足料，好重鲜芒果味，加上乳酪嘅酸甜，又系好满足~🔹水果乳酪雪糕🔹好值得推介！食落去系乳酪雪糕嘅味道，但一粒粒，好有口感~中发白嘅造型一定系打卡之选，虽然系原味，但字样系脆脆朱古力，又加多重咬口~本人觉得所有水果口味都超好食！好有原本水果嘅味道！试完真系要encore同推介俾大家！