影片
更多
2020-09-20
394 浏览
🍴陈皮蒸鲍鱼比鲍鱼仔大只，老板话系八头鲜鲍。鲍身完整干净，厚身饱满，湿润弹牙，少少陈皮吊味，甘香鲜甜。新张期内晚市堂食每位送一只，唔知优惠做到几时，就咁叫就跟时价，当晚卖32蚊一只。🍴豉椒炒蚬 HK$88入店之时，刚刚有几箱海鲜送到，鱼虾蟹乜都有，头先食过鲍鱼返寻味，于是叫左碟豉椒炒蚬。先讲个汁，岩岩好挂住d蚬，唔会多到浸住晒要寻宝，豉香突出，唔会太咸太油。蚬肉新鲜无沙，炒完无乜缩水，好鲜甜。🍴冰镇咕噜肉 HK$98呢道菜曾经系第二度食过一次，觉得麻麻，外面唔够冰冻，里面只余微温，两头唔到岸，之后都无再食。呢道菜内外温差的确几难拿捏，唔通真系要用液态氮瞬间冷却先得？不过见老板极力推荐，比多次机会呢道菜啦。上菜后特登放左一分钟先食，等佢表面更加冰凉。酱汁紧紧包住每粒肉，甜酸岩岩好。脆皮包得实块肉，唔会皮肉分离，都算做到外冷内热，外脆内软，猪肉三分肥七分瘦，酥香可口唔油腻，而我亦都重拾对冰镇咕噜肉嘅信心。🍴聚友小炒王 HK$108大部分小菜餐馆都会有一味小炒王，用料大同小异，而呢度嘅小炒王就有韭菜、芽菜、榨菜、鱿鱼、虾干、白饭鱼、腰果，食材无乜特别，但炒埋一碟就几够镬气，好香，唔会太咸，够
🍴陈皮蒸鲍鱼比鲍鱼仔大只，老板话系八头鲜鲍。鲍身完整干净，厚身饱满，湿润弹牙，少少陈皮吊味，甘香鲜甜。新张期内晚市堂食每位送一只，唔知优惠做到几时，就咁叫就跟时价，当晚卖32蚊一只。
🍴豉椒炒蚬 HK$88
入店之时，刚刚有几箱海鲜送到，鱼虾蟹乜都有，头先食过鲍鱼返寻味，于是叫左碟豉椒炒蚬。先讲个汁，岩岩好挂住d蚬，唔会多到浸住晒要寻宝，豉香突出，唔会太咸太油。蚬肉新鲜无沙，炒完无乜缩水，好鲜甜。
🍴冰镇咕噜肉 HK$98
呢道菜曾经系第二度食过一次，觉得麻麻，外面唔够冰冻，里面只余微温，两头唔到岸，之后都无再食。呢道菜内外温差的确几难拿捏，唔通真系要用液态氮瞬间冷却先得？不过见老板极力推荐，比多次机会呢道菜啦。上菜后特登放左一分钟先食，等佢表面更加冰凉。酱汁紧紧包住每粒肉，甜酸岩岩好。脆皮包得实块肉，唔会皮肉分离，都算做到外冷内热，外脆内软，猪肉三分肥七分瘦，酥香可口唔油腻，而我亦都重拾对冰镇咕噜肉嘅信心。
🍴聚友小炒王 HK$108
大部分小菜餐馆都会有一味小炒王，用料大同小异，而呢度嘅小炒王就有韭菜、芽菜、榨菜、鱿鱼、虾干、白饭鱼、腰果，食材无乜特别，但炒埋一碟就几够镬气，好香，唔会太咸，够干身，碟底无多余油份，炒功了得。
🍴虾干鱼肚浸时蔬 HK$78
食左咁多肉，要叫碟菜清一清，上汤清甜，带虾干蒜子香气，可以当汤饮，白菜仔爽脆，鱼肚都几爽，不过我觉得转用竹笙会更吸汤更夹。
食得出选料同厨艺都几用心，价钱公道，唔系普通小菜又咸又多油求其炒几炒就算，同老板倾左几句，原来佢做左厨几十年，对出品甚有要求，最近自己开左呢间店，希望水准保持到。
📍聚友小厨
沙田石门安群街1号京瑞广场2期地下G9号舖
张贴
