LEVELthirty 觀景酒廊

营业中

休息中

同生意伙伴有啲嘢倾，平时通常去开尖沙咀某间餐厅酒吧饮杯野一边倾，但今次避免撞到其他行家，我同佢又都系住喺新界东，所以partner提议去石门。呢间酒店嘅晚餐buffet之前同屋企人有试过，感觉麻麻，所以本身都冇带住期望嚟，都系谂住饮杯嘢，倾返公事。但坐低见到个Menu $398一打生蚝连两杯酒，觉得几抵所以叫咗一set试吓。生蚝虽然好细只，但$398呢个价钱，仲要包两杯酒，都唔敢有太多要求。之后一边倾公事一边饮，叫多咗个pizza、一碟烧猪肋骨同叫多咗支酒。食物味道不过不失，但餐厅环境一流，有室内仲有露天坐位，景观唔错，几个朋友饮杯嘢吹下水，呢间餐厅系一个唔错嘅选择。