星海薈﹒譽宴

营业中

休息中

今日同朋友喺沙田行完街，想食中菜，于是我朋友就介绍呢间中菜厅。一入到去店员就好热情招待，枱与枱之间有间佢，坐得几舒服。晚市餐牌都好多不同嘅食物款式，睇咗好耐先决定到食咩。铁板白胡椒煎焗澳洲龙虾见到餐牌已经觉得好吸引，上菜时铁板好热， keep住有好浓郁嘅香气，店员帮我哋洒上白胡椒汁，𠮶种香味系连隔篱枱都闻到，好震撼！龙虾好大只，肉质结实，而且好弹牙！食落去啖啖肉，配上白胡椒，相当惹味。雪梨无花果炖花胶汤呢碗汤好清甜，而且好足料，好适合夏天饮，消暑又滋补！啫啫虾干通菜煲一上菜已经香气四溢，入面仲有好多虾干，鲜味十足。呢度嘅环境几靓，应该系专做婚宴嘅场地，食物质素有水准，下次会想再约多几个朋友过嚟食饭，试多啲唔同嘅食物，而且环境比较清静，唔似其他酒楼咁嘈吵，系倾偈嘅好地方。