一喜‧拉麺

营业中

休息中

之前都有同大家介绍过喺石门嘅一间高质拉面，但好可惜佢而家已经执咗🥲不过今次又喺石门发掘到一间好高质嘅拉面，每碗拉面加$30就可以升级到满腹套餐，跟一款小食同饮品，感觉好抵！酱油清汤叉烧拉面 $79呢款系期间限定😆平时食酱油拉面都好惊会太咸，但呢度嘅酱油汤底调味适中，味道清甜😋叉烧特别出色，有两块大大块、煎香过嘅叉烧，肥瘦相间，入口即溶😍😍另外糖心蛋都煮得啱啱好，食到蛋黄流心嘅效果，好高质！博多鸡白汤拉面 + 溏心蛋 $79+$6另外亦都嗌咗我平时食拉面最钟意嘅鸡白汤😆呢度嘅鸡白汤同样好高质，汤底质地比较厚身，鸡味好浓郁嘅同时唔会油腻，最后忍唔住饮晒😍😍鸡白汤拉面跟嘅会系鸡叉烧，鸡叉烧同样好大块，肉质滑嫩，一啲都唔鞋。因为呢碗拉面附设洋葱同埋笋，所以食到中间都可以转换下口味，唔使惊太寡，非常出色😋天妇罗无骨鸡翼（满腹套餐） +$30斋睇卖相就知一定好食，鸡翼好大只，外层炸得好酥脆，炸粉亦够薄，内层嘅机翼肉质滑嫩，仲好juicy，大推！！珍宝炸带子（满腹套餐） +30有三只带子，size都唔细，带子炸得金黄酥脆，炸物点蛋黄酱食一定冇得输👍🏻