Whitewood Coffee (已結業)

沙田除左市中心𠮶间大家都识嘅良心连锁cafe外，搭程车去石门都有唔错嘅选择，例如呢间喺商场角落嘅cafe，不过小店位置唔多，得十零个位，如果唔系等开门就要排一段时间。 🍽黑糖抹茶厚松饼呢度嘅松饼系轻盈、空气感重啲𠮶款，松软得黎回弹力高，唔会一叉久塌落去，蛋香都颇明显。松饼上洒上极多抹茶粉，味道偏苦涩，点少少黑糖浆就平衡返，抹茶忌廉顺滑较软身，如果茶味带回甘会更好，但作为饭后甜品相当不错。🍽炸鱼蜜糖芥末长通粉呢个系是日款式，蜜糖芥末酱偏酸，用黎做burger嘅抹酱可能适合啲，炸鱼我以为系鱼柳，点知上枱后发现系麦乐鸡形状嘅鱼手指，有啲腥味。呢款唔太啱我口味，但朋友话之前试过carbonara几好。 ☕️Iced Matcha Latte☕️Matcha Latte (Large +4)呢杯应该系喺沙田区饮过最满意嘅Matcha Latte，颗粒感唔明显，甜度适中，拉花都唔错。店家写明采用小山园抹茶粉，茶味黎讲比松饼浓郁。