入麵 (已結業)

石门站B出口一出，左右都有商场（其实系一二期嘅分别）。一期多饮饮食食嘅铺，二期则多格仔铺。不过，虽然商场配套足够，可是入到去二期就觉得好多都系吉铺，有啲冷清。返到第一期，揾到一间个名好得意嘅食肆，叫做「入面」。咁就吸引左我入去试下佢有咩面咁特别。本来下午茶时间，叫下午茶好合理。但系一啲都唔平，所以都系为左份量嘅原故，叫个午餐睇黎会够食啲。 如是者，叫左个嘅推介「回味酱骨架」。睇个名以为系好似糖醋骨咁，有啲浓汁系旁边。不过，就好似啲相咁，无汁，得几旧大骨。味道都系算一般，一啲都唔特别，更加唔似咩推介嘅美味。只蛋整得几靓，食落口就正常野啦。杯东瓜茶都系好普通。反而最后想讲下个捞面。成餐可以话最好食系佢，最少有啲汁无咁干。