影片
更多
2012-09-21
1294 浏览
同家人食生日饭，选址要方便，早决定左系喺尖沙咀食，但食啲乜就谂左好耐，日式铁板烧，炉端烧通通考虑过，不过觉得太贵喇，妈妈又话信唔过啲团购，喺 openrice 揾左几日，终于决定左黎呢间 「The stonegrill 」，见评分唔错，又有特色而且大家都未试过，Openrice 显示人均消费系$101-$150，同妈妈一致赞成！七点钟黎到 , 都己经有唔少人入座 , 环境相当幽雅 , 枱与枱之间好阔落店员知道我地第一次黎 , 都好用心咁向我地介绍 menu , 相当周到 =)我地最后拣左个 citibank 信用咭o既半价星级晚餐 , 有牛肉有海鲜 , 然后加一个三款自选石头烧 , 一个炒饭 , 仲有一客店员话今日焦点o既带子 叫完计一计 , 净系个 citibank 餐都 $ 1000 , 无可能系 $150 内一位㖞 @@"野食未到之前, 店员先递上两篮面包 , 送上牛油 , 提示我地唔够可以再叫接住就为我地开好及倒出四杯葡萄汔酒 , 有如较重果味o既白酒 , 唔错面包唔暖 , 不过几香脆 , 其中两片好香香草味 , 点橄榄油加黑醋最夹另外两面系普通法包 , 我地搽左牛油放上石头烧
但食啲乜就谂左好耐，日式铁板烧，炉端烧通通考虑过，
不过觉得太贵喇，妈妈又话信唔过啲团购，喺 openrice 揾左几日，
终于决定左黎呢间 「The stonegrill 」，见评分唔错，
又有特色而且大家都未试过，Openrice 显示人均消费系$101-$150，同妈妈一致赞成！
七点钟黎到 , 都己经有唔少人入座 , 环境相当幽雅 , 枱与枱之间好阔落店员知道我地第一次黎 , 都好用心咁向我地介绍 menu , 相当周到 =)
我地最后拣左个 citibank 信用咭o既半价星级晚餐 , 有牛肉有海鲜 ,
然后加一个三款自选石头烧 , 一个炒饭 , 仲有一客店员话今日焦点o既带子
叫完计一计 , 净系个 citibank 餐都 $ 1000 , 无可能系 $150 内一位㖞 @@"
野食未到之前, 店员先递上两篮面包 , 送上牛油 , 提示我地唔够可以再叫
接住就为我地开好及倒出四杯葡萄汔酒 , 有如较重果味o既白酒 , 唔错
面包唔暖 , 不过几香脆 , 其中两片好香香草味 , 点橄榄油加黑醋最夹另外两面系普通法包 , 我地搽左牛油放上石头烧一烧 , 好好味 xd
紧随而上o既系沙律同汤 , 因为我地个自选石烧都加左 $ 70 转套餐
所以有两款汤同两款沙律 ,为免混乱 , 以下我会分返开两个 set 黎打
Citibank 星级晚餐 : 1. 太平洋剑鱼配烧茄子沙律
~ 卖相好靓, 鲜嫩粉红o既剑鱼 , 上面铺住红洋葱 , 撒上白芝麻
深紫色长长o个条 , 好似系茄子皮 , 硬硬地几好o赵 , 不过无味
沙律汁系充满麻香同带点醋酸o既和风口味 ,剑鱼轻轻点一点
足以带出其鲜甜味 , 口感软韧 , 一碟有两大片 , 一片就咁食
另一片用黎夹埋个茄一齐食 , 别有一返风味 , 烧茄子o系最底
吸收左沙律醋 , 味道较浓 , 但亦食得出茄子轻轻烧过o既香味
茄子己去皮 , 好软滑 , 配上剑鱼及红洋葱 , 味道果真丰富
2. 泡沬龙虾汤~ 细细杯好的式 , 真系好似泡沬咖啡咁 , 个泡唔算好滑而且多空气
龙虾汤质感似西汤 , 我估计佢系想用泡沫令到龙虾汤入口变得 creamy
但我连泡饮落都系泡同汤分开o既 , 不过味道系唔错o既 , 较正常o既清淡
汤内有唔少龙虾肉碎 , 因为唔系几热 , 所以基本上系可能一啖饮晒
3. 澳洲 M6 和牛西冷~ 鲜红欲滴 , 油花分怖优美 , 多得待应不时从旁指导 , 我地都烧得几成功
因石头上枱时高达 400 度 , 待应教我地先煎左半块先 , 比较容易掌握
两边烧一烧 , 然后切成一条条 , 中间两侧再以个人喜好o既生熟度再烧
好开心呀 , 因为平时细佬钟意食比较生 , 我就要食七成熟 ,
而家咁样好好呀 , 细佬食生 d o既就快 d 夹起 , 我要熟 d 就再烧多阵
石头烧o既碟上有牛扒汁 , 烧o既时候都可以自行用盐同黑胡椒调味
我食左几条都系较为熟o既 , 但肉质都依然软绵 , 咬落去o个下 ..
可以感觉到 d 油逐下咁渗出黎 , 但系好香好滑而不觉腻o既 ,
细佬食五成熟左右 , 佢话咁样仲正仲好味㖞 , 佢对牛肉咁有要求都觉得满意 ^^
4. 珍宝大虾配精选海鲜~ 大虾又厚又肥美 , 待应当然都好细心咁帮我地放好上石头 , 教我地点烧
同样系用盐同胡椒调味 , 而酱汁就换成香草牛油汁 , 系几香浓但不合我口味
大虾肉质弹牙 , 烧得刚好 , 而虾头就紧系我呢个寿星女食啦 , 都几多膏 ^v^
精选海鲜包括两只鱿鱼仔 , 两只带子 , 两只青口 , 比我想像中丰富
我净系食左鱿鱼 , 几爽几鲜味 , 带子本身系熟o既 , 我见到都几大只㖞
自选石烧套餐 : 1. 什菜沙律
~ 比较普通 , 沙律菜新鲜爽脆 , 但我觉得有少少苦涩味 ,
沙律酱味道平平 , 除左菜就只有车厘茄同几片磨菇
呢个沙律系跟埋餐汤及饮品, 要加 $ 70 , 当日无为意 ...
我地最后叫餐饮时只系叫左星级套餐o个两杯 , 无叫呢 $ 70 餐o个杯 =(
2. 忌廉南瓜汤~ 好甜好滑 , 近乎似食紧糖水o个种南瓜露咁 , 唔同o既系 ...
汤系用上淡忌廉而不是棷奶 , 而且南瓜肉系一粒粒咁 , 质感无咁浆
不过就食唔到一丝丝南瓜蓉 , 充满纤维o个种口感 , 但味道都 ok
3. 四安士美国牛肋肉~ 口感不及和牛西冷鲜嫩, 比较有嚼劲 , 油份唔多 , 牛味香浓
切粒食又有唔同o既感觉 , 同样系可以自由控制生熟程度
但因牛肋肉厚身 , 所以一定要转侧两边烧 , 烧到外表系熟o既
里面有几生 , 只要我睇唔到又唔特登咬开佢 , 我都会试下食
果然少少生又真系有更多肉汁 , 不过好似会韧 d 无咁松化
4. 四安士挪威三文鱼
~ 三文鱼可以轻轻烧熟个面就食得 , 加少少盐 ,再落 d 柠檬汁
个面烧过好香又有少少鱼油出左黎 ,咬开里面见到系未熟
但食唔到软滑o既质感 , 因为块鱼大但薄身 , 如果厚身就生熟更分明
5. 珍宝磨菇
~ 成拳头咁大 , 手掌咁厚 , 唔使调味去烧佢 , 又唔使点照顾佢 ,
只要吉落开始淋身就可以慢慢切开佢, 待应提醒我地唔好太大力
否则会压左 d 水份出黎就无咁好食 , 果然真系好 juicy 好鲜味
香浓o既菇味 , 肥厚有咬口 , 轻轻点少少香草牛油汁己经好好味 !!
单点美食 : 1. 加拿大鲜带子
~ 要o系石头最热时放上去烧 , 烧好一面后更少少盐 , 反转烧多阵就食得
可以烧晒四边先食 , 会香口 d , 又可以烧两边至金黄 , 锁住水份 ,
咬开o个一刻 , 带子汁自动流出 , 香甜肥腴 , 想要弹牙 d , 可以烧耐 d
带子都系跟牛油汁 , 不过个人觉得唔系几配衬 , 净系盐烧就最鲜味
2. 巴马火朖蟹肉炒饭~ 不经不觉咁食下食下都开始饱 , 谂住系咁易食少少饭 .
点知食到停唔到口咁济呀 , 巴马火腿o既湿度同烟韧度同样正 ,
饭粒够松散 , 有唔少蟹肉 , 火腿咸香配合蟹肉炒饭o既鲜甜
系意想不到咁夹咁好食 , 相信有机会再黎o既话我都会再叫呢个饭
## 葡萄酒饮左三份二 , 面开始红 , 餐饮点左两杯冻柠檬茶 ... 都无乜点饮呢餐四人食左 $ 16xx , citibank card 系我o既所以我自己埋单 ,
老爸就比左 $ 2500 现金我 , 哗哈 ... 有得赚 !!! 我有生日礼物呀 ^v^
餐后店员送上两张 coupon , 出年先到期 , 其中一张系 for lunch hour ,
有机会我会黎用左佢o家 !! 等我留意下食评了解下 lunch 有咩食先 =p
张贴
