韓星星韓國料理 (已結業)

唔知食咩好，落去堂食。嗌左两个午餐。一坐低先上茶上前菜，两个人有五碟前菜。泡菜：泡菜都算爽，唔辣。腌萝卜：唔爽脆，唔辣。杂果沙律：好奇怪啰，点解会出现系韩国餐厅，系罐头水果黎。炆薯仔：好味，好淋，好香。三色椒炒西兰花：炒得几香，好味既。不过有d奇怪，我都系第一次见呢款前菜。石头锅饭($76)：鸡肉好咸，我地已经冇落酱。冇饭蕉。人参鸡汤($83)：真系有半只鸡、仲有一粒栗子、两粒蒜头、几粒红枣，仲有一段仔参。只鸡真系好瘦，冇肥膏，鸡肉唔滑都预左，汤系正常鸡汤味，冇参味。胡椒同盐另上，唔够味可以自己加，我就用黎点鸡肉食。一淡鸡肉，一淡汤，都几好味。