霹靂南洋 (Ladder Dundas) (已結業)

喺IG见到新开咗间过江龙马拉菜，有砂锅打边炉好特别，所以约埋朋友嚟试下。餐牌只有一版，招牌菜系砂锅肉骨茶同霹雳仁当牛腩煲，仲可以加配料打边炉。我哋两个人点咗一个霹雳仁当牛腩煲，火锅配料安格斯肥牛同大光面。霹雳仁当牛腩煲用细细个gas炉煲住，一上枱就闻到好香咖喱牛味。仁当原来即系香港人叫嘅巴东，系源自印尼嘅一种咖喱，以香料、辣椒同椰奶炖煮牛肉。食落香料味道浓郁得嚟又唔会太咸，辣度属于小辣。唔好睇佢煲仔细细，牛腩份量都好多。牛腩煮得够软腍，而且煮到入晒味，啖啖香浓咖喱味食完牛腩就可以渌安格斯肥牛食，安格斯肥牛质素高，油花分布均匀煲煲下得返好少汤，店员有主动帮忙加汤，汤唔系清汤而系咖喱汤，所以唔怕会沟淡晒个汤底。食完肥牛之后就渌大光面，大光面吸收晒咖喱汤嘅香味，而且弯弯嘅面条非常挂汤除咗牛腩煲仲叫咗两个小食，参巴辣酱炸豆腐表面脆身，参巴辣酱好香虾酱味又够辣，超惹味蒜油肥仔芽菜比平时食到嘅芽菜更粗身，食落口感爽脆，而且好香蒜油味整体嚟讲食物质素高，仁当牛腩煲真系好好味，加入香港人最爱嘅打边炉元素好有创意下次会再嚟试下另一招牌菜- 砂锅肉骨茶。