超羣麵包西餅 (香林大廈)

营业中

休息中

我成日觉得为面包写篇食评好无聊，但真系想写。好几年前，可能有五年，我系圆方一间日式面包店买左个炒面面包，觉得好好食，当时$22左右，好好食但系觉得好贵，好食到我想食评，不过写左去旧account度，可唔见左个account。其实我今次开post唔系想特别赞我今次食嘅呢只包，而系想介绍大家去试下超群面包。因为我一路拣，一路见款款都劲想食。再去到排队比钱，见到另外几款又想食，呢度真系好多好特别嘅口味，特别得黎唔系话好贵又几好食，所以推介下，有机会大家要试啊！其实我系第一次帮衬，老公话食过呢只包好好食，佢推介朋友食完又话好好食，等我又试下先！够大只，一餐饮多盒野好够饱！佢有火腿蛋拣，我觉得咁厚嘅饱讲口感，所以拣厚身嘅午餐肉。因为面包身做得好，已经好食，又唔会咬到碎得好劲。材料一点都唔吝啬，蛋有两个黄，所以唔同平时咬到中间先有馅，呢个饱第一啖已经咬到馅（我唔系大口怪）。对比我上次想写评嘅面包，我觉得好抵。唯一美中不足，味道唔够出，因为始终觉得，面包要趁热先好食！