影片
更多
2016-03-14
690 浏览
阿妈话稻香全部点心依家转左大陆工场做，劣质又难食，又怕会用黑心原料，以后都唔帮衬㖞！所以山长山远去富亨饮茶啰，贪无咩食客又易揾位。我话贪平就真啦，鬼死咁隔涉，火车站又无车去，又要我搭的士啦！初到贵境，环顾四周，虽则唔系话爆场，都坐左八九成啦，正常酒楼格局，厕所卫生可接受啦。睇睇点心纸有咩新奇野先。好似好多野拣咁㖞，仲见到鲍鱼同乳猪劲平，系咪真架？咩质数先？脆皮烧腩仔，估唔到您又做得几好㖞﹗虽然层皮只系脆脆地仲有少少开始变软，但胜再够天然，无翻煎再翻煎，而且仲暖笠笠上枱架。入口一点都唔肥，层次分明，脆皮、瘦肉、脂肪、咸肉，多种口感，味带咸香又唔会太呛，好味﹗沾上芥辣酱更添姿彩。虾春卷，唔多食到有虾㖞，肥猪肉？味道一般，都脆口但无咩馅。鱼翅饺，卖相好靓，原来系香茜鱼翅饺﹗中伏添，但我已经成旧啪左入口，差少少吐返出黎呀，好采忍得住。唯有格硬吞落肚，再饮大量茶冲淡阵味啦 ﹗我一食芫茜就反胃架喇，不过都值得一赞依家仲有酒楼系做怀旧点心呢，极花功夫。蟹籽烧卖，虽然卖相甩皮又甩骨，但难得足料无揾笨噃，瘦肉多、肥膏少，肉味浓郁加上虾仁鲜爽，口感结实唔会一咬散开，湿润充满肉汁，好味道呢，诚意之选 ﹗豉汁
初到贵境，环顾四周，虽则唔系话爆场，都坐左八九成啦，正常酒楼格局，厕所卫生可接受啦。睇睇点心纸有咩新奇野先。好似好多野拣咁㖞，仲见到鲍鱼同乳猪劲平，系咪真架？咩质数先？
脆皮烧腩仔，估唔到您又做得几好㖞﹗虽然层皮只系脆脆地仲有少少开始变软，但胜再够天然，无翻煎再翻煎，而且仲暖笠笠上枱架。入口一点都唔肥，层次分明，脆皮、瘦肉、脂肪、咸肉，多种口感，味带咸香又唔会太呛，好味﹗沾上芥辣酱更添姿彩。
虾春卷，唔多食到有虾㖞，肥猪肉？味道一般，都脆口但无咩馅。
鱼翅饺，卖相好靓，原来系香茜鱼翅饺﹗中伏添，但我已经成旧啪左入口，差少少吐返出黎呀，好采忍得住。唯有格硬吞落肚，再饮大量茶冲淡阵味啦 ﹗我一食芫茜就反胃架喇，不过都值得一赞依家仲有酒楼系做怀旧点心呢，极花功夫。
蟹籽烧卖，虽然卖相甩皮又甩骨，但难得足料无揾笨噃，瘦肉多、肥膏少，肉味浓郁加上虾仁鲜爽，口感结实唔会一咬散开，湿润充满肉汁，好味道呢，诚意之选 ﹗
豉汁蒸排骨，跟大部份酒楼既通病一样，排骨都好肥又好多肥膏呀﹗但点解用系排骨饭既又会靓好多，而且肥瘦适中呢？专登拣过架？睇面头似乎好靓，点知下面全部肥腾腾﹗瘦肉味道唔错又带甜，但太多肥膏全部要咬走，无咩肉食。
干炒牛肉河，阿妈推介话好食㖞，点知河粉炒到碎湿湿要用匙羮食啰。如果我自已叫的话就会走葱走芽菜，依两样我都唔食架，依家拣到傻左﹗味道非常一般地普通，中规中矩，无咩好讲，不试也罢，红磡合记茶餐厅好食百倍、有镬气千倍。
碧玉扎，个名就改得劲优雅劲动听喇，唔知系咩黎呢？睇点心纸细细张相我一直以为系用竹笙卷住架，阿妈又点头话系，点知黎到只不过系肠粉皮啰，劲失望﹗试下新野都无妨既，拆开睇睇好鬼斋噃，鸡蛋、皮蛋、小棠菜、冬菇，外加蛋白芡。淡味到意想不到，我真系想要豉油啰，豆瓣酱应该更好。格硬吞左一只，剩返只等阿爸阿妈搞掂去，试一次便够。
脆皮烧腩仔
43 浏览
0 赞好
0 留言
虾春卷
14 浏览
0 赞好
0 留言
鱼翅饺
22 浏览
0 赞好
0 留言
蟹籽烧卖
36 浏览
0 赞好
0 留言
豉汁蒸排骨
13 浏览
0 赞好
0 留言
碧玉扎
31 浏览
0 赞好
0 留言
碧玉扎
30 浏览
0 赞好
0 留言
干炒牛肉河
22 浏览
0 赞好
0 留言
张贴
