明將迴轉壽司餐廳 (已結業)

去到深水埗，忍不住去去食明将，其实我觉得如果唔食同唔睇同沙律有关o既寿司，明将都不过不失o既！一坐底，佢比左个茶包我，好彩斟水o既时候只手指唔系放得好出，如果唔系就大获啦，部机漏水o加！讲下寿司先，其实供应得好快！供过于求！肉松寿司同肉松小卷最够味，同埋好稳阵！三文鱼寿司，薄到呢，师傅刀功实在太好啦，所以放入口都唔知道自己食紧三文鱼寿司！烟鸭胸寿司就盐水味太重啦！八爪鱼，螺肉，鱿鱼酥寿司，因为系分开叫佢整，所以上台时都几美观！炸带子寿司好金黄色o加，不过食完都唔知道自己食左咩，因为口感奇怪，要去个菜单都塭再加估估下，一于当自己食左炸带子啦！好啦！最后o的员工好散漫o加！我发觉，我比明将KO左啦，下次唔敢去啦！