砵砵車仔麵 (已結業)

系人都知元朗出名多好野食，不过今日得2个人，一于就试呢间听过好多人赞好既车仔面啦。一入到去见到餐厅环境都唔错，唔会好似其他车仔面店咁迫。见到佢墙上而贴左好多皇牌必食推介，而我地就拣左呢个茄子。阿里山茄子 佢摆碟摆得几靓，望落好吸引呀。而食落都好出色，味道酸酸地，食完十分开胃。车仔面佢d𩠌样样都好吸引，我就拣左鸡翼，猪手，萝卜，猪红。而面底方面就拣左米粉，腩汁汤底。食落汤底好够味，但又唔会太咸岩岩好。最出色既系猪手呀，十分入味又有口感。而萝卜都索哂汤底既汁，食落唔会太硬好好味。鸡翼都整得好入味，值得一试。而朋友就拣左冬菇，鱿鱼，白榨饺，香茅猪扒面，汤底就拣左沙嗲，睇落都好吸引㖞。试左一旧鱿鱼，劲入味又唔会太硬，食落好惹味呀。值得一提既就系呢个香茅猪扒，佢用碟另外分开上唔怕淋哂。而且够热辣辣，食落外脆内嫩仲好多肉汁，必食推介！花胶碗仔翅一上台就比埋支麻油，落左更加香更加好味。入面有肉丝，粉丝，冬菇丝。当然最重要既系主角花胶啦，花胶大大旧，而且好有口感。食完感觉补充左劲多骨胶原，皮肤又好左啦。呢度有好多唔同既特色饮品，我就拣左呢杯华田脆爆。饮落好特别，杯华田够浓味，唔会好似平时d餐厅沟好多水