砵砵車仔麵 (已結業)

今晚见凉凉地，就去左食车仔面，谂完食完个人都暖D！呢间都好就脚，十分之近西铁站，行10分钟左右就到，地方唔太大不过胜在环境算系几干净。两个人食就叫左两碗车仔面、两碗花胶碗仔翅同4只柚子蜜鸡翼，野饮就叫左个特别D既脆脆阿华田。车仔面就叫左粗面配牛腩汁，𩠌就拣左自家制榨菜水饺、鱿鱼、花菰同猪排。最欣赏既系佢既花菰，大只得黎十分之厚肉而且忟得好入味，咬落仲系Juicy既。鱿鱼亦都好够味而且唔会太难咬开，而猪排系沾上薄粉而炸得好松脆香口，份量亦都好够！榨菜水饺唔会太厚皮，不过不失。食车仔面最怕系面好淋身，呢间既粗面保留番爽身既口感，大啖食仲可以吸埋汤汁！整体黎讲算相当唔错！至于花胶碗仔翅就好惊喜，入面有手掌大既花胶，平民既价钱都可以补充到骨胶原，而且入面都好足料，入口好厚身，唔会好稀！柚子蜜鸡翼炸得好脆，鸡肉keep到系嫩滑，配埋个柚子蜜汁唔会咁heavy，感觉清新！