爆汗串串 (已結業)

之前睇youtube见到有人去深圳食砵砵鸡，我就好想试，竟然俾我系油麻地揾到类似既食物 （定系同一样既食物）~店舖名同呢度装修一样咁爆~就系“爆汗串串”!呢度以放题形式，最平$128/位（任食2个钟~可以食麻辣串，小食，面食，白饭，甜品）岩晒爱辣人士!重点推介冰粉~一定要试!另外加30蚊可以任饮 （基本上呢30蚊都一定要俾，除非你好食得辣）麻辣串串既食物有少少似打边炉既食物，唔同既系每串食物预先煮好，之后再加入辣汤都浸都入味麻辣串重点推介~厚百页~娃娃菜~牛肉~炸鱼旦~腐皮~呢几款都好吸晒汤汁~好正!面食方面只系试左爆汗牛肉面~成碗面够麻够辣，牛肉淋身入晒味小食~推介捧捧鸡 & 麻辣鸭血豆腐，前者落左好多麻酱再拌鸡丝，系唔辣既好朋友!后者似台湾麻辣火锅既鸭血，再加千叶豆腐，都系好吸味既配料!甜品只有一款~冰粉~清凉解辣之选 ，好特别既味道，冰粉烟烟un un...再捞d山榨片碎，芝麻，唔会过甜得黎带点香口!