80後味道 (已結業)

岩岩开，谂住试下，叫个碗仔翅同埋烧卖，烧卖就平平庸庸，同平时喺街食嘅差唔多，碗仔翅就非常之稀，见到都有啲奇怪，而且个碗个size都好细，不过又唔系好贵。个老板解释就话因为佢哋系做怀旧风味，咁所以碗仔翅就冇云耳同埋剩系得好简单嘅材料系入边，因为怀旧嘅碗仔翅系冇咁多材料。我就觉得呢一款碗仔翅唔系好啱我口味，始终可能同平时食开有云耳同埋冬菇等等材料嘅碗仔翅唔同，同埋个人觉得应该要杰少少先似返平时食嘅碗仔翅，碗仔翅太稀好似饮紧一碗中汤咁。