影片
更多
2024-11-02
819 浏览
黑白大厨令到小编去留意多啲米芝莲嘅餐厅，咁啱呢几日秋风来临，当然要打边炉✨港式丰味碗仔翅汤打边炉最重要当然系个汤底，呢一间餐厅全港首创碗仔翅汤底相当有特色，亦都突显到本港风味！以鲜鸡熬煮多小时成为高汤，再加入云腿丝、鸡丝、鲜冬菇丝、鸡脾菇丝、冬荀丝，搭配日本人造鱼翅，呈现出碗仔翅经典口感，小编最怕就系太多粉太结身，但系呢个汤底绝对会令你另眼相看，念念不忘！而且单单酱料就已经有12款咁多✨海鲜拼盘只系需要追加$289 ，就有美国响螺片、橄榄油浸基围虾、北海道珍宝帆立贝、爽脆花枝片同埋本地海砚。我以为系物超所值，而且海鲜都系非常新鲜，极具份量！✨手工饺子🥟丸子绝对绝对亦都系特色之一：豉椒牛肉饺、洋葱蕃茄猪肉丸、蜜汁叉烧甜豆饺、生根鲜菇鸡扎丸、芫荽山竹素牛肉丸、雪菜火鸭丝饺、沙嗲菠萝牛肉丸、南乳素斋饺！全部听到个名已经好有幻想，仲要连系本土风味！特别喜欢雪菜火鸭丝饺，咸香适中口感爽脆；沙嗲菠萝牛肉丸有惊喜，沙茶味道特别香口，都咬到少少嘅菠萝碎粒；朋友就赞鸡扎卷口感层次好丰富，配搭非常巧妙～✨肉类日本宫崎A5前肩肉和牛完全超出打边炉嘅牛肉质素，劲大片劲香劲软嫩；西班牙黑毛猪梅肉花纹劲靓，食落去
黑白大厨令到小编去留意多啲米芝莲嘅餐厅，咁啱呢几日秋风来临，当然要打边炉
✨港式丰味碗仔翅汤
打边炉最重要当然系个汤底，呢一间餐厅全港首创碗仔翅汤底相当有特色，亦都突显到本港风味！以鲜鸡熬煮多小时成为高汤，再加入云腿丝、鸡丝、鲜冬菇丝、鸡脾菇丝、冬荀丝，搭配日本人造鱼翅，呈现出碗仔翅经典口感，小编最怕就系太多粉太结身，但系呢个汤底绝对会令你另眼相看，念念不忘！
而且单单酱料就已经有12款咁多
✨海鲜拼盘
只系需要追加$289 ，就有美国响螺片、橄榄油浸基围虾、北海道珍宝帆立贝、爽脆花枝片同埋本地海砚。我以为系物超所值，而且海鲜都系非常新鲜，极具份量！
✨手工饺子🥟丸子
绝对绝对亦都系特色之一：豉椒牛肉饺、洋葱蕃茄猪肉丸、蜜汁叉烧甜豆饺、生根鲜菇鸡扎丸、芫荽山竹素牛肉丸、雪菜火鸭丝饺、沙嗲菠萝牛肉丸、南乳素斋饺！全部听到个名已经好有幻想，仲要连系本土风味！
特别喜欢雪菜火鸭丝饺，咸香适中口感爽脆；沙嗲菠萝牛肉丸有惊喜，沙茶味道特别香口，都咬到少少嘅菠萝碎粒；朋友就赞鸡扎卷口感层次好丰富，配搭非常巧妙～
✨肉类
日本宫崎A5前肩肉和牛完全超出打边炉嘅牛肉质素，劲大片劲香劲软嫩；西班牙黑毛猪梅肉花纹劲靓，食落去油花充足～另外仲有内蒙特选肥牛同走地黄油鸡髀肉拣。
✨健康蔬菜拼盘
里面包含豆腐、腐皮、菇菌以及各款类型嘅蔬菜，真系名副其实嘅拼盘，就连蔬菜都做得咁有诚意，真系抵佢拎米芝莲！
✨爽滑生面
最怕嘅碱水味完全冇喺呢一间餐厅出现，口感爽弹，加入去呢一个碗仔翅汤真系最佳配搭。
张贴
