民華餐廳 (已結業)

民华餐厅喺坚尼地城地铁站一出就系, 不过b出口会比较近啲, openrice写c出口会行远咗少少。 餐厅门面比较细好容易会错过咗， 不过入面装修几靓， 估唔到港式茶餐厅都可以装修到好舒服， 好企理同好干净， 餐厅嘅便有卡座亦都有圆枱唔会逼逼涩涩。今日叫咗啲嘢食，常餐叫咗火腿通粉，餐肉炒蛋配炼奶多，同埋热咖啡。火腿通粉劲大碗，而且啲鸡汤都好浓， 浓得嚟又唔会过咸， 又唔会淡茂茂净系得滚水。餐肉炒蛋个蛋非常滑， 餐肉系厚切嘅，呢一点非常好。炼奶多即叫即烘热辣辣，杯咖啡虽然唔系即磨嘅但系都非常浓郁。而妈妈就叫咗个牛丸拼墨丸米线， 牛丸原来有五粒非常多， 墨丸非常弹牙， 米线嘅份量多到阿妈都食唔晒。另外我哋仲叫咗个咖哩牛腩饭， 咖哩牛腩饭咖哩汁非常浓味， 而且牛腩同牛筋嘅份量都好多， 最正嘅系碗饭都非常大碗， 上高仲有只煎蛋㖭， 非常不错。最后我哋仲叫咗个鸡扎， 继续非常多料，另外芋头有两嚿，仲有鱼肚同鸡肉， 同佢酒楼食点心嘅价钱差唔多，系呢到食又唔使俾茶钱，正！