唯一京滬亭 (已結業)

星期六中午六个人行咗去湾仔食饭,见到有上海嘢食,又谂起菜肉云吞...鬼迷迷咁就入咗嚟!咸豆浆----衰贪心!有冻有热唔拣,拣呢样!有好多料:炸菜粒,虾毛仔,葱花,油炸鬼,好香荳味!咸味亦适中!成碗饮晒饱咗三成!好味！牛腩云吞面----都系我偏心!始终觉得云吞都系佐敦唯珍好食,但牛腩就呢度好味㖞!入味够淋无渣,意料之外！同埋碗面份量好大吓！葱油鉼加蛋----有Ｄ似台湾街边小食「手抓饼」加蛋咁,好香口唔算多油!又系饱死都要食多件果只!锅贴----试咗一只,普通煎韮菜饺,唔算多油.其实仲挞咗同事一件东坡肉食,呢件嘢炆得好有水准!小小甜,皮有胶质,一层肥一层瘦...比好多上海舖仲正！