日熹樓 (已結業)

因家中o既煮食炉出现咗问题，XO仔近日午餐都要外出觅食。上周三哥哥就孖靓靓妈咪落黎探细佬班，顺便一齐走咗去试以「百碟宴」作宴席广告o既「日熹楼」。中菜厅室内光线暗淡，墙上o既熊猫图案及四周o既摆设灯饰则极富中国色彩，组合感觉有啲中西合璧。店子面积广阔，间隔开扬通爽，午市唔系咁逼人，所以一啲都唔嘈吵。大堂中央有个大酒吧，似乎晚市多做酒客生意，不过午饭时间吧位都会用作餐枱之用。打开餐牌一看，发现最后三页为调酒师以花雕、芧台等中国酒自创o既中式鸡尾酒项目，极具特色。晚餐更以日本清酒配对中菜小碟订造$550/位o既「两人对酎餐单」，好唔传统。午市则推「一人便当午餐」（$88/位）及「瓷熹小碟午餐」（$788/八位）。由于家中只有哥哥一人食得辣，三口子就决定每人先点三款，唔够先追加。中英对照o既餐牌共有两页。另外亦附有多页彩图餐单一本。餐具以旭日初升o既图案道出店名「日熹楼」有「日光微明」之意，直接到题。七里香醉乳鸽（$103）：乳鸽肉质唔算嚡，但未够嫩，且唔够醉，七里之外肯定闻唔到酒香啰！白切黑豚肉粉皮（$73）：黑豚肉脆薄轻巧，垫底o既粉皮都好软滑，简单以甜豉油调味极为恰当。经典肴肉（$53