Greyhound Café (又一城)

营业中

休息中

我地两个人星期日下午4点行街行到肚饿，见呢间大把位唔洗等就行入去。 两个职员分别第一句都系同我地讲呢度有最低消费！每人$150！ 有最低消费都唔紧要，但佢地迎宾既第一句说话加语气都好似唔想有客嚟咁。最少我作为客人有咁既感觉。 其中叫左碟香辣黑橄榄烟肉意大利粉，份量极细， 根本唔够正常份量。 食6啖到就食晒。 一碟$128加一既意粉咁细碟真系好过份！ 味道普通， 偏咸及油。唔会想再去！另外餐厅好多位， 佢问我想坐出定入面，我说坐出面， 佢大把梳化位都冇俾我， 叫我地坐近商场行人路边最差既位。于是我要求坐返去近窗梳化位，两个男staff service 好唔细心。 系有个姐姐 staff 反而好有礼貌。