功德林上海素食 (世貿中心) (已結業)

中学同学移民多年，今年举家返港过圣诞，大家都开心欢迎, 即刻搞返个饭局聚会先 。食中菜最好，坐得耐，嘈d都唔怕麻, 搞手拣左铜锣湾既"功德林"食斋菜，清清地，大人小朋友都实啱食呢！已预先订左9大2小共11位，坐大圆枱，但有少少窄逼。食店装修简洁，一般酒家格局。是晚全场爆满，食物质数一定唔错喇，点会知唔成正比Y 我地起初谂住叫个6人套餐，另再加𩠌……殷勤既侍应姐姐话咁样唔抵食，建议我地食8人套餐，她会帮我地set返人数, 转换些少菜式。我地醉翁之意不在食，也就唔谂咁多鸟！1.小拼盘 : 有烤夫，爽口入味。素鹅，脆腐皮好味。酱油炆大荳芽，好辣醒胃。冻茄子，少辣软腍。素海蜇，几爽脆。2.羊肚菌焖粟子 : 粟子香软，羊肚即百叶结就一般豆腐味。薯仔冬菇入味。3.蜜味火腿紫菜卷 : 卖相特别，味道甜甜地，火腿紫菜够爽脆，几好食！4.冬菇豆腐 : 普通斋菜, 有成三碟𩠌差唔多样，豆腐超滑溜。冬菇鸡肶菇爽滑。云耳入味。5.合桃白合炒素鸡: 素鸡又系d一般豆腐类，合桃脆脆，白合、青红椒爽脆。云耳入味。6.炒菜: 清清地。7.砂锅咸肉菜饭: 咸肉好似午餐肉，菜饭淡味，一般。8.竹笙汤: 淡到无