泰聚 (已搬遷) 新店位置

平时好少黎呢头。朋友系附近车行整开车见到新开张，就带我黎试下！样样食物都好吸引，想试，结果两个人叫左五碟，饱到上心口！前菜叫左芒果虾沙律，有成六七只虾，只只都好大只。虾炸过，再整冷盘，虾肉弹牙，爽口。芒果系泰国青色果种，甜甜地，好脆口，个汁酸酸地，有少少少辣，好开胃，做前菜一流！鱼肚羹材料好丰富，好多，有鱼肚（如图，好多）、鸡肉丝同鲜冬茹等。个羮杰杰地，唔会水汪汪，啖啖系料，味道刚好，又唔会太咸。可以装到三四碗满。炒杂菜有芥兰、草菇、红萝卜、粟米芯同西兰花等。上枱时仲好热，刚炒起。菜炒得好爽口，唔太林。总有一款菜岩你！黄咖喱（牛肉）可以拣牛、猪、鸡，今次拣左牛肉。牛肉林，但食落有肉丝感觉，唔会好似出面有啲餐厅因为要林，而用好多松肉粉搞到无肉既质地，唔系肉甘样。咖喱俾左好多材料去煮，有一条条既香料（我估果啲系香茅，唔识分😂）、青椒、洋葱、薯仔等。好林，入味。个咖哩唔辣，好浓，如果有埋白饭或面包更正，可以点晒啲汁食！炒饭有豆角、肉粒同细细粒既虾米仔，佢同我见开既较红色，本身仲以为系辣椒饭炒得干身，唔会痴埋一旧，但又有少少湿润，易入口。旁边有几块泰国腊肠，相比起我地中国腊肠甜啲，但几瘦，我钟