面譜-京川料理 (已結業)

今日同咗一个好耐冇见嘅朋友约会，佢好少见我架，因为佢非常繁忙，难得佢叫到我，今日几忙都要出嚟见一见佢啦。平时佢净系钟意食日本菜，估唔到佢今次都约我嘅，竟然系去食川菜，真系有啲估佢唔到。到咗餐厅先知道点解佢会叫我嚟，原来系面𠮶13周年，好多碟头盘都系13蚊，13蚊小碟实在令人非常惊讶，我哋当然亦都试咗唔少。清酒芥末莲藕粒$13其实前菜已经有莲藕粒，不过我真系几钟意食莲藕，而且见到系有芥末，有啲日本感觉，当然要试试佢。莲藕好爽，用左清酒同芥末，少少攻鼻，感觉好清爽。椒麻一囗豆腐$13虽然今次冇饮酒，但系其实，$13小碟嘅菜好适合送酒架，一口豆腐炸到好干身，口感好脆，配埋啲椒麻，配饭都一流。白灼猪爽肉$13呢道菜系经理推介嘅，猪爽肉果然好爽㖞，下面仲有啲芽菜，浸住辣汁，辣辣地又几开胃。小葱翁$58个名几得意嘅小葱翁，其实系一个用好多层皮夹住香葱既小点心，听上台𠮶阵时，好大阵葱香，虽然油份好高，但我觉得几好食，佢同面时既葱，有啲唔同，好特别架。面谱小笼包$68好耐冇食小笼包，就叫返个食下啦，呢度嘅小笼包接位几多，入面好多汁架，可惜就厚左少少，不过都几好食。