影片
更多
2023-07-17
2004 浏览
今日睇完YouTube介绍，原本想去保安道街市食个街坊茶楼，点知上到去佢哋话休业到九月，无缘食到都无计。想起N年前去过既中央饭店，于是凭记忆加Google map去揾返嚟拜访下。走咗差唔多一个钟，当做运动，终于嚟到太子同深水埗之间既中央饭店。一个老旧既霓虹灯招牌已经好抢眼，入去见到每张枱都铺咗枣红色枱布，怀旧感又多一层。随便坐低咗，台布有啲污迹，可能无换到，我谂四十以上又去过旧式茶楼既人嚟讲，应该唔会意外，虽然而家感觉有啲污糟，但呢种做法系以前嚟讲好常见，通常都走几转人客先一半一半咁换。讲咗咁多废话，讲下食物。老实讲，食物质素中等。点咗虾饺，皮有点厚同硬，虾塞得满满的，但有种苏打粉味。另外点咗铁皮车煎虾米肠。真系童年回忆返嗮嚟，停在你身边煎，油烟连肠粉既焦香味阵阵飘来，香脆既肠粉连分开上既混酱，真系人间美食，虽然部分比姨姨煎㶶咗少少，但味道风味仍然唔错。最后讲下碟令人惊喜既鲜虾肠。之前虾饺既问题似乎无系虾肠上面重复，反而虾肠既虾肉爽滑弹牙，肠粉皮幼滑，简直系90分以上之作。埋单88，好合理又贴地既价钱，比完钱收银姐姐仲会讲句多谢，而家就算大酒楼收你几千都唔识得讲既说话。食完之后觉得质素
走咗差唔多一个钟，当做运动，终于嚟到太子同深水埗之间既中央饭店。一个老旧既霓虹灯招牌已经好抢眼，入去见到每张枱都铺咗枣红色枱布，怀旧感又多一层。
随便坐低咗，台布有啲污迹，可能无换到，我谂四十以上又去过旧式茶楼既人嚟讲，应该唔会意外，虽然而家感觉有啲污糟，但呢种做法系以前嚟讲好常见，通常都走几转人客先一半一半咁换。
讲咗咁多废话，讲下食物。老实讲，食物质素中等。
点咗虾饺，皮有点厚同硬，虾塞得满满的，但有种苏打粉味。
另外点咗铁皮车煎虾米肠。真系童年回忆返嗮嚟，停在你身边煎，油烟连肠粉既焦香味阵阵飘来，香脆既肠粉连分开上既混酱，真系人间美食，虽然部分比姨姨煎㶶咗少少，但味道风味仍然唔错。
最后讲下碟令人惊喜既鲜虾肠。之前虾饺既问题似乎无系虾肠上面重复，反而虾肠既虾肉爽滑弹牙，肠粉皮幼滑，简直系90分以上之作。
埋单88，好合理又贴地既价钱，比完钱收银姐姐仲会讲句多谢，而家就算大酒楼收你几千都唔识得讲既说话。
食完之后觉得质素都可以，只系得一支公试唔多，下次带埋老婆嚟一齐食，可以食多几样。
好似鱼肚烧卖，同比块脸仲大既大包，好想试试。
旧式茶楼买少见少，人情味满满既荃湾海莲之外，中央都系硕果仅存既经典，唔知几时会失去，希望仲系度既时候可以食多几次。
虾饺
$22
84 浏览
0 赞好
0 留言
香煎虾米肠
$18
61 浏览
0 赞好
0 留言
虾肠
$22
44 浏览
0 赞好
0 留言
张贴
