點.魚 (已結業)

嚟到中环区总会发现惊喜嘅嘢！咪睇小小店细细地，净系容得下五枱客，但食物质素却意想不到地好。佢系用QR code方法落单，以为麻辣、酸辣有得较辣度，但系原来佢得一种固定嘅辣度。而我哋今次嗌咗酸菜鱼响铃金菇刀削面，同埋麻辣安格斯牛肉响铃豆腐米线，仲有两樽茶添！佢𠮶个套餐连埋一啲小菜：莴笋及晶莹剔透薄皮饺子。主食嘅配菜满布晒成个碗咁滞，口感好丰富得来亦都好香。如果怕辣嘅朋友，可以一边食面底，一边食莴笋，解辣一流。但我略嫌两枝茶唔够香浓味，少少逊色于餐厅嘅主食。环境都算清幽，似系一啲新一代嘅潮食馆配上传统中华美食，感觉都几fusion！